შავი ზღვის სუპერსოსისი

ჩვენ შევქმნით ყველაზე გრძელ მცენარეულ სოსისს კაცობრიობის ისტორიაში

პროექტი

დიდი ვეგანური სოსისის პროექტის იდეა გაჩნდა დეგუსტაციის ღონისძიებისათვის სეიტანის ჰოთ–დოგების მზადების დროს. აღნიშნული ღონისძიება წარმოადგენდა საგანმანათლებლო პროგრამის ნაწილს, რომელიც წამოიწყო Vegan Georgia-მ.

პროექტი მიზნად ისახავს მცენარეული საკვების, მათი ხელმისაწვდომობის, კულინარიული უპირატესობებისა და ჯანმრთელობის სარგებლობის პოპულარიზაციას ქართულ საზოგადოებასა და მის ფარგლებს გარეთ. იგი მიიპყრობს მედიის, ოფიციალური პირებისა და საზოგადოების დიდ ყურადღებას როგორც საქართველოში, ასევე მის ფარგლებს გარეთ, სოსისის შექმნის პროცესის გარშემო შექმნილი აჟიოტაჟით და კაცობრიობის ისტორიაში ოდესმე წარმოებული ყველაზე გრძელი – 111 მეტრის სიგრძის ვეგანური სოსისის წარდგენით.

წარმომავლობა

გინესის რეკორდების წიგნის ოფიციალური ჩანაწერის მიხედვით, ყველაზე გრძელი ვეგეტარიანული სოსისი 2010 წელს გერმანიაში დამზადდა, რომლის სიგრძე 101 მეტრი იყო.

Vegan Georgia-მ, რომელიც პირველი და ამჟამად ერთადერთი არასამთავრობო ორგანიზაციაა საქართველოში, რომელიც ორიენტირებულია ცხოველების ექსპლუატაციის წინააღმდეგ ბრძოლაზე ფართო გაგებით, გადაწყვიტა მოეწყო ღონისძიება, რომელიც წარმოაჩენს ვეგანიზმისა და მცენარეული ხორცის უპირატესობებს.

ვეგან ჯორჯიას აქტივისტებმა Animal Save Movement-ის მცენარეული კვების ხელშეკრულებასთან (Plant Based Treaty) მჭიდრო თანამშრომლობით შექმნეს პროექტის გუნდი და ღონისძიების მთელი კონცეფცია. ის ჩატარდება ბათუმის ზღვის სანაპიროზე 2024 წლის ზაფხულში. პროექტის ფარგლებში დაგეგმილია, უზარმაზარი ღონისძიება, რომელიც უმასპინძლებს ყველა დაინტერესებულ სტუმარს, მათ შორის ადგილობრივ და ეროვნულ ოფიციალურ პირებს, ჟურნალისტებს, ბლოგერებს და სხვა დაკავშირებულ პირებს.

მთავარი მიზნები

მცენარეულ ხორცზე მოთხოვნის გაზრდა საინტერესო ვარიანტებისა და შესაბამისად მიწოდებისა და ინვესტიციების გავრცელების ხელშეწყობით;

ცნობიერების ამაღლება ცხოველთა სოფლის მეურნეობის დესტრუქციული ზემოქმედების, კლიმატური ცვლილების, პლანეტარული საზღვრებისა და ამ ათწლეულის განმავლობაში მცენარეულ საკვებ სისტემაზე გადასვლის გადაუდებელი აუცილებლობის შესახებ;

ვეგანური მოძრაობის გავრცელების მხარდაჭერა საქართველოსა და მის ფარგლებს გარეთ;

სასარგებლო საკონტაქტო კავშირების შექმნა ცხოველთა უფლებების დამცველებსა და მედიას, ოფიციალურ პირებს, აქტიურ არასამთავრობო ორგანიზაციებსა და იმ ინდივიდებს შორის, რომლებიც მუშაობენ სხვადასხვა ისეთ რელევანტურ საკითხებზე, როგორიცაა გარემოს დაცვა და ადამიანის უფლებები;

ბათუმის ადგილობრივი ხელისუფლების წახალისება მცენარეული კვების ხელშეკრულების ხელშეკრულების ხელმოწერის საკითხში ისეთი ქალაქების ხელმძღვანელობით, როგორიცაა ედინბურგი და ლოს ანჯელესი;

ვეგანიზმის ნორმალიზება და ჯანსაღი და ემპათიური საზოგადოების შექმნა, სადაც ადამიანებსა და ცხოველებს შეუძლიათ ჰარმონიაში თანაარსებობა;

დეგუსტატორების მიერ უკუკავშირის ფორმის შევსება, რომელიც პასუხობს კითხვებს მცენარეული ხორცის შესახებ, განსაკუთრებით ვეგანური პროდუქტების დანერგვასთან დაკავშირებით საჯარო სასადილოებში (უნივერსიტეტები, სკოლები, არმიის ბაზები, პენიტენციური დაწესებულებები და ა.შ.). მენიუებში ცვლილებების იმპლემენტაციის შესახებ გადაწყვეტილების მიმღებ პირებთან სამომავლო მოლაპარაკებებისთვის ფუნდამენტის მომზადება,  რათა დაწესებულებებში მოხდეს მცენარეებზე მცენარეული ვარიანტების დამატება.

ადგილმდებარეობა

პროექტის გუნდმა ღონისძიების ადგილმდებარეობად ბათუმი შეარჩია, რადგანაც იგი საქართველოში ერთ–ერთი ყველაზე ცნობილი და საყვარელი ადგილია როგორც ადგილობრივების, ასევე – ტურისტებისათვის. ბათუმს აქვს გამორჩეულად დადებითი განწყობა ზაფხულში, რადგან ამ პერიოდში ჩვეულებრივ იმართება სხვადასხვა სახის ისეთი ღონისძიებები, როგორიცაა მუსიკალური კონცერტები და გრაფიტის ფესტივალები.

ბათუმი თბილისის შემდეგ მეორე ყველაზე მნიშვნელოვანი ქალაქია საქართველოში, მოსახლეობის რაოდენობით კი მეოთხე ადგილზეა ქვეყანაში, სადაც დაახლოებით 170 000 ადამიანი ცხოვრობს. ის აჭარის რეგიონის ცენტრია, რომელიც ყოველწლიურად 2,1 მილიონამდე ტურისტს მასპინძლობს.

სოსისის ოფიციალური პრეზენტაციისა და გინესის რეკორდების მიზნებისათვის გაზომვის შემდეგ, გიგანტური სოსისი დაიჭრება ნაწილებად, მომზადდება და ყველა დაინტერესებულ სტუმარს ექნება მისი უფასოდ დაგემოვნების საშუალება.

მობრძანდით ბათუმში და იყავით ამ ისტორიული მოვლენის ერთ–ერთი თვითმხილველი! ^_^