ჩვენ შესახებ

„ვეგან ჯორჯია“ დაარსდა 2015 წელს და ჯერჯერობით არის პირველი და ერთადერთი ცხოველი უფლებადამცველი ორგანიზაცია, რომელიც მიმართულია ფართო სპექტრის ცხოველთა სახეობების დაცვაზე ძაღლებიდან და კატებიდან დაწყებული, ძროხებითა და თევზებით დამთავრებული; ლოკოკინებიდან და ღამურებიდან დაწყებული, სპილოებისა და წაულების ჩათვლით.

ჩვენ ორიენტირებული ვართ არა მხოლოდ სამოქალაქო აქტივიზმსა და ინტერნეტ კამპანიაზე, არამედ მუდმივად ვისწრაფვით გრძელვადიანი, პერმანენტული პროექტების შესაქმნელად.

მთელი ჩვენი ისტორიის მანძილზე, ჩვენ ყველაფერს ვაკეთებდით, რათა ადგილობრივი ცხოველთა უფლებების მოძრაობას მეტი შესაძლებლობები და მოტივაცია ჰქონოდა, გვეზრუნა მის განვითარებასა და გაფართოებაზე.

ჩვენ გავხსენით „ვეგანური სარდაფი“, რომელიც სოციალურ ცენტრს წარმოადგენდა. მის გარშემო შეიკრიბა უამრავი ჯგუფი და ინდივიდი, რომელთაც საკუთარი იდეებისა და პროექტების დაგეგმის შესაძლებლობა მიეცათ.

ჩვენ ერთობლივად დავაარსეთ „კივი ვეგან კაფე“ – პირველი მცენარეული კვების სივრცე არა მხოლოდ თბილისში, არამედ – მთლიანად საქართველოში.

ჩვენ ჩართული ვართ ყოველწლიური საერთაშორისო ცხოველთა უფლებების შეკრების ორგანიზებაში, რომელშიც მონაწილეობს ათობით აქტივისტი იღებს სხვადასხვა ქვეყნიდან. აღსანიშნავია, რომ აღნიშნული კონფერენცია არის ყველაზე მასობრივი ცხოველთა უფლებების ადვოკატირების ღონისძიება მთლიანად რეგიონში.

ჩვენი მთავარი მიზნებია:
– ცნობიერების ამაღლება მცენარეული კვებისა და ცხოველთა ფუნდამენტური უფლებების შესახებ.
– არაეთიკური ინდუსტრიებისა და საწარმოების გამოაშკარავება, მათთან დაპირისპირება აქტივიზმითა და სხვადასხვა კამპანიებით.
– საკანონმდებლო კუთხით მუშაობა და ცხოველთა უფლებების დაცვის ინიციატივების სამართლებრივი მხარდაჭერა.
– მცენარეული კვების სივრცეების, ინიციატივებისა და ღონისძიებების მხარდაჭერა.

ჩვენ ღია ვართ სხვა არაკომერციულ და კომერციულ პროექტებთან თანამშრომლობისათვის და მზად ვართ ერთად შევქმნათ უფრო სამართლიანი, მდგრადი განვითარებისა და ნათელი მომავლის მქონე საქართველო და მსოფლიო.